Safet Gërxhaliu, drejtori i Odës Ekonomike të Kosovës, ka thënë se viteve të fundit janë treguar hapa pozitiv në rritjen ekonomike.

“Nuk kemi arsye të kemi krenari nëse themi se kemi rritje prej 4 %”.

“Ne duhet të përkushtohemi dhe të mos tregojmë eufori për rezultatet e arritura”.

Këto komente Gërxhaliu i ka bërë në Ballë për Ballë të Orës së Fundit.

Ai tutje ka folur edhe për statistikat e punësimit në Kosovë, duke thënë se ato shpesh nuk janë të sakta.

“Në Kosovë duhet të bëhet evidentimi i saktë i të punësuarve”.

“Dhe ne nuk duhet të presim vetëm nga Qeveria të krijohen punësime neve na duhet edhe një sektor privat i fuqishëm”.

Gërxhaliu ka folur edhe për çështjen e Trepçës duke thënë se ky aset kombëtar duhet të jetë në fokus dhe prioriteti kryesor i institucioneve të vendit.